O Colexio Profesional de Xornalistas de Galicia (CPXG), a través do seu Observatorio Galego dos Medios, publica o Informe sobre o tratamento informativo do accidente de Barajas, que analiza a cobertura dos principais medios con penetración en Galicia sobre a traxedia do voo JK5022. O relatorio ten a súa orixe nos últimos días de Agosto, cando a Xunta de Goberno do CPXG expresara a súa preocupación polo comportamento dos medios no tratamento deste acontecemento, e encargara ao OM a realización dun estudo detallado.