O peche de RCTV

Dossieres

O peche de RCTV supuxo a saída á rúa de moitos venezolanos contrarios ao réxime de Chávez. O apagón gubernamental da televisión con máis audiencia do país, significa para moitos un atentado contra a liberdade de expresión. Hugo Chávez non parece querer dar marcha atrás e asume a responsabilidade de non renovar a licencia a RCTV. O presidente de Venezuela afirma que o canal "converteuse nunha ameaza para o país".

"Sinxelamente eu asumo a responsabilidade porque son o xefe do Gobierno, facendo unha evaluación do comportamento desa televisión privada e da actitude e o atropelo permanente contra a moral pública nacional", afirmou Chávez.

Engadiu que "esa televisión se converteu nunha ameaza para o país, para os nenos, para as nenas, entón decidín, porque me corresponde a min non renovar a concesión", dixo.

Pola súa banda, a canle alega que non se realizou ningún procedemento administrativo na súa contra que xustifique a medida. Dacordo coas leis, o Estado venezolano ten potestade de decidir cando renovar unha concesión. Non obstante, o Regulamento da Lei de Concesións establece a preferencia na renovación ó concesionario se este non violou nin incumpriu leis, además de ter que xustificar a súa decisión.

O mandatario agregou que o "Goberno que presido de maneira soberana lexítima, constitucional, legal, decidiu non renovar esa concesión, outras as estamos renovando, temos renovadas centos de emisoras de radio, outras canles de televisión".

Chamada á calma

Chávez efectuou unha chamada á calma ós venezolanos, a un día de que caducara a licencia de RCTV.

"Fago un chamamento ó país para que ninguén caia en provocacións, para que ningún grupo se preste a crear o caos", declarou Chávez.

Agregou que ordenou ás Forzas Armadas "que estean atentos, se se lles ocorre xerar feitos de violencia vanse arrepentir. Non vaian atacar, oligarcas, porque teño listo o plan de contraataque, non o fagan, recoméndollelo", advirtiu.

Documentación