Colexio Profesional de Xornalistas de Galicia

• O Colexio
  • Organigrama
  • Historia
  • Discurso toma de posesión decano
  • Funcións e competencias
  • Imaxe corporativa
  • Lei de creación
  • Estatutos
  • Código Deontolóxico do Xornalismo Galego
  • Regulamentos
• Como colexiarse
• Asesoría
• Documentación
  • Comunicados
  • Lexislación
  • Publicacións
  • Recursos
• Servizos e Convenios
• Subscrición ao
• Premio José Couso
• Premio A Imaxe de Galicia
• Novidades
  • Axenda
  • Novas
  • Avisos
  • Cursos
  • Enquisas
• Dosieres
• Foros
• Guía da comunicación
• Ligazóns

ENCUENTRO INTERNACIONAL EN GIJÓN

Os fotoperiodistas demandan o compromiso da prensa cos dereitos humanos

[21/07/2008] O Encontro Internacional de Fotoperiodismo, que se celebrou esta semana de forma paralela á Semana Negra de Xixón, publicou hoxe un manifesto no que demanda un maior compromiso dos profesionais e empresas de prensa coa defensa dos dereitos humanos.

O manifesto considera que o dereito á información "é unha condición fundamental para o desenvolvemento pleno da democracia" e que "os xornalistas e as empresas deben contribuír a que se respecten os dereitos humanos".

Nese marco, o escrito, que foi firmado por galardoandos fotoperiodistas de distintos medios de comunicación, expresa que o labor de empresas e profesionais de prensa é "pór de manifesto todas as violacións" dos dereitos fundamentais.

"A Declaración Universal dos Dereitos Humanos debe ser o marco ético do xornalismo", engade o texto.

O foro de fotoperiodistas que desenvolveu diversas actividades esta semana valorou as novas tecnoloxías como un elemento que permite "democratizar o dereito a informar e a ser informado".

"As novas tecnoloxías amplían as posibilidades de acceso a novos medios de comunicación e favorecen o desenvolvemento do xornalismo desde o enfoque dos dereitos humanos", expresa o documento.

Considera ademais, que "o xornalismo é un servizo público ós cidadáns que non pode estar sometido a intereses políticos ou económicos particulares" e que "os xornalistas non poderán exercer o seu labor se os seus propios dereitos humanos son vulnerados".

O texto a sido firmado por Javier Bauluz, Luis Acebal, Eduardo Marquez, Enrique Meneses, Walter Astrada, Karen Maron, Xesús Abade, Enrique Fidalgo, Juan Medina, e Ali Hussain Khudhair, entre outros.

XIXÓN
EFE /EL MUNDO

"La verdad bajo la tierra. Guatemala, el genocidio silenciado" (Miguel Dewever.VU

Outras novas