Colexio Profesional de Xornalistas de Galicia

• O Colexio
  • Organigrama
  • Historia
  • Discurso toma de posesión decano
  • Funcións e competencias
  • Imaxe corporativa
  • Lei de creación
  • Estatutos
  • Código Deontolóxico do Xornalismo Galego
  • Regulamentos
• Como colexiarse
• Asesoría
• Documentación
  • Comunicados
  • Lexislación
  • Publicacións
  • Recursos
• Servizos e Convenios
• Subscrición ao
• Premio José Couso
• Premio A Imaxe de Galicia
• Novidades
  • Axenda
  • Novas
  • Avisos
  • Cursos
  • Enquisas
• Dosieres
• Foros
• Guía da comunicación
• Ligazóns

ESTUDAN A VENDA DE POPULAR TV A UN GRUPO MEXICANO

Os cambios na Cope van máis aló dun cambio de comunicador

[04/02/2010] A Cope está inmersa en "cambios profundos" que van máis aló dun cambio de comunicador -en referencia sobre todo a Federico Jiménez Losantos-, senón que se trata dun cambio de modelo que responde mellor ao ideario da Cope", afirmou Afonso Coronel de Palma, presidente e conselleiro delegado da cadea.

Nunha conferencia no Foro da Nova Comunicación, Coronel de Palma asegurou que "a marcha de estrelas págase sempre no EGM", en referencia á perda 500.000 oíntes segundo o último estudo. O presidente da Cope manifestou que "esgotamos un ciclo do que non abxuramos" e explicou que emprenderan unha "travesía" desde unha radio das estrelas, cada unha coa súa lexitimo proxecto individual, a unha radio de "grandes profesionais vinculados ao ideario desta casa".

Coronel recoñeceu que entre decembro de 2008 e decembro de 2009 perderan o 20% dos oíntes, pero que están no camiño de recuperlos pronto.

En canto ao impacto económico que tivo a marcha dos mediáticos comunicadores na contas da cadea, Coronel de Palma destacou que as perdas rexistradas no último cuadrimestre de 2009 foron de 1,7 millóns de euros, o que supón a metade de cada un dos tres cuadrimestres precedentes, que sumaron preto de 6,8 millóns de euros.

O conselleiro delegado desmentiu que vaia haber un expediente de Regulación de Emprego (ERE) e argumentou que ante a crise do sector hai que "apertar o cinto ou realizar reformas estruturais, pero sempre evitando os despedimentos", para o que propuxo "unha baixada de salarios e retribucións, pero sempre de xeito progresivo".

En canto á venda de Popular TV ao grupo mexicano Mariavisión, recoñeceu que "existen conversacións", pero que agora están inmersos nunha "reformulación do proxecto televisivo" e que co apagamento analóxico irase definindo o futuro das televisións locais.

Antonio Fernández-Galiano, conselleiro delegado de Unidade Editorial, presentou ao conferenciante e definiuno como un home "versátil e polifacético, comprometido cuns valores nos que cre e un gran conversador". Galiano destacou que o gran reto que ten o presidente da Cope é que a cadea siga sendo "un baluarte firme co ideario de sempre".

O presidente de Cópea subliñou que a cadea seguirá coa súa "crítica responsable" e serase firme defensora da promoción da cultura da vida, da defensa da liberdade relixiosa, da promoción da familia, da liberdade de educación, da unidade de España e será plataforma para difundir o maxisterio do Santo Pai. De Palma manifestou a súa preocupación non só pola crise económica, tamén por "a crise social e moral".

Coronel de Palma fixo fincapé en que se hai un sector en crise é o dos medios de comunicación", pero manifestou a súa satisfación ao afirmar que "a débeda da empresa é cero" e confía que a finais do presente exercicio a Cope teña unha tesourería de 10 millóns de euros.

O conselleiro delegado de Unidad Editorial tamén recalcou que "este é un momento especialmente delicado para os medios de comunicación". O presidente da Cope aproveitou para reivindicar "a loita e o esforzo dos xestores das empresas". Profesionais que non teñen a presenza mediática ao estar elejados de cámaras e micrófonos, pero que son "a imprescindible intendencia nunha empresa".

ÁNGEL FERNÁNDEZ
MADRID

Outras novas