Colexio Profesional de Xornalistas de Galicia

• O Colexio
  • Organigrama
  • Historia
  • Discurso toma de posesión decano
  • Funcións e competencias
  • Imaxe corporativa
  • Lei de creación
  • Estatutos
  • Código Deontolóxico do Xornalismo Galego
  • Regulamentos
• Como colexiarse
• Asesoría
• Documentación
  • Comunicados
  • Lexislación
  • Publicacións
  • Recursos
• Servizos e Convenios
• Subscrición ao
• Premio José Couso
• Premio A Imaxe de Galicia
• Novidades
  • Axenda
  • Novas
  • Avisos
  • Cursos
  • Enquisas
• Dosieres
• Foros
• Guía da comunicación
• Ligazóns

O SPA PIDE AXILIZAR A CONCESIÖN DE LICENZAS

TDT en Andalucía

[19/07/2010] O Sindicato de Periodistas de Andalucía (SPA) pediu á Xunta que axilice as licenzas de TDT local, xa que hai emisoras que ven obrigadas aínda a emitir en formato analóxico, o que supón perdas económicas e un grave prexuízo para os seus profesionais e para os cidadáns.

Nunha nota de prensa emitida o venres último o sindicato chama a atención da Xunta sobre a dificultade que están tendo numerosas televisións locais andaluzas para adaptarse ao novo panorama legal, tras a implantación da Televisión Dixital Terrestre.

Afirma o SPA, que é "preocupante" que transcorridos máis de tres meses desde o apagamento analóxico aínda haxa case medio centenar de televisións locais que non están en condicións de emitir en formato dixital.

De xeito especial, explícase na nota, están sufrindo a situación as emisoras locais que xa estaban emitindo no momento do apagamento e ata a data non puideron resolver toda a tramitación, polo que continúan emitindo en analóxico.

Nestes casos, segundo o sindicato de xornalistas, ademais do prexuízo económico para estas emisoras pola perda de publicidade, "estase causando tamén un dano aos profesionais, que realizan o seu traballo para unha audiencia mínima, e sobre todo á cidadanía, que se ve privada na práctica dun medio de comunicación próximo".

En Andalucía existen 62 demarcacións de Televisión Dixital Terrestre, nas que hai concedidas 258 licenzas, delas 186 privadas e 72 de xestión pública.

EFE

Outras novas